ജീവിത പ്രശ്നങ്ങൾ പരിഹരിക്കുവാനും ദോഷങ്ങളിൽ നിന്നും നമ്മെ സംരക്ഷിക്കുവാനും കഴിവുണ്ടെന്ന് വിശ്വസിക്കപ്പെടുന്ന ശക്തനായ ഒരു മൂർത്തിയാണ് വിഷ്ണുമായ സ്വാമി.
ഐതിഹ്യം അനുസരിച്ച്, വേട്ടയാടാൻ പോയ ശിവ ഭഗവാന്, കൂളിവാക എന്ന ആദിവാസി സ്ത്രീയോട് മോഹം തോന്നുകയും, തന്റെ ഇഷ്ടം അറിയിക്കുകയും ചെയ്തു. ഗോത്രരാജാവിന്റെ മകളും പാർവതി ദേവിയുടെ തീക്ഷ്ണ ഭക്തയുമായിരുന്ന കൂളിവാക, ഈ പ്രശ്നം പരിഹരിക്കാൻ പ്രാർത്ഥിക്കുകയും ദേവിയുടെ അനുഗ്രഹം തേടുകയും ചെയ്തു. തുടർന്ന് പാർവതി ദേവി കൂളിവാകയുടെ രൂപം കൈകൊള്ളുകയും വേട്ട കഴിഞ്ഞ് തിരിച്ചെത്തിയ ശിവനുമായി സംഗമിക്കുകയും ചെയ്തു. ഈ ദിവ്യസംഗമത്തിൽ പിറന്ന പുത്രനാണ് സാക്ഷാൽ ശ്രീ വിഷ്ണുമായ ചാത്തൻ സ്വാമി.
വർഷങ്ങൾക്ക് ശേഷം തന്റെ വളർത്തമ്മയായ കൂളിവാകയോടൊപ്പം കൂളിവനത്തിൽ താമസിക്കുന്നതിനിടയിൽ, നാരതമുനി നേരിട്ട് എത്തി സ്വാമിയുടെ മാതാപിതാക്കൾ ശിവ പാർവതി മാരാണെന്ന് വെളിപ്പെടുത്തി, മാതാപിതാക്കളെ കാണാൻ കൈലാസത്തിൽ എത്തിയ സ്വാമി, തന്റെ മായ ശക്തിയാൽ വിഷ്ണു ഭഗവാന്റെ രൂപം ധരിച്ചു. ഇതു മനസ്സിലാക്കിയ ഭഗവാൻ ശിവൻ, സ്വാമിക്ക് വിഷ്ണുമായ എന്ന് പേര് ചൊല്ലി വിളിച്ചു. വിഷ്ണുമായയുടെ ആജ്ഞകൾ അനുസരിക്കാൻ തന്റെ ഭൂതഗണത്തോട് ആജ്ഞാപിക്കുകയും ചെയ്തു . ധർമ്മം കാക്കുവാനും ആവശ്യമുള്ള ആരെയും സംരക്ഷിക്കാനും പാർവതി ദേവി മകന് കുറുവടികളും നൽകി അനുഗ്രഹിച്ചു.
വിഷ്ണുമായ സ്വാമിയെ പ്രാർത്ഥിച്ചാലുള്ള ഗുണങ്ങൾ എന്തൊക്കെ?
വിഷ്ണുമായ സ്വാമിയെ ആരാധിക്കുകയും പൂജകൾ സമർപ്പിക്കുന്നതും വഴി ദുഷ്ടശക്തികളിൽ നിന്നും,ശത്രുബാധാദോഷങ്ങളിൽ നിന്നും കണ്ണേറിൽ നിന്നും നമ്മെ സംരക്ഷിക്കുന്ന ഒരു രക്ഷാകവചമായി സ്വാമി നിലകൊള്ളുകയും സർവ്വൈശ്വര്യങ്ങളും തന്നനുഗ്രഹിക്കുകയും ചെയ്യും. വിഷ്ണുമായ സ്വാമിയെ പ്രാർത്ഥിച്ചാലുണ്ടാകുന്ന ഗുണങ്ങൾ ഇവയൊക്കെയാണ്
ക്ഷിപ്രപ്രസാദിയും ഭക്തവത്സലനുമായ കാനാടികാവ് വിഷ്ണുമായ സ്വാമിയുടെ അനുഗ്രഹം ഉണ്ടെങ്കിൽ നിങ്ങളെ അലട്ടികൊണ്ടിരിക്കുന്ന പ്രശ്നങ്ങളും, ദോഷങ്ങളും നീങ്ങി സന്തോഷവും, സമാധാനവും നിറഞ്ഞ ഐശ്വര്യപൂർണ്ണമായൊരു ജീവിതം കൈവരും.
കാനാടികാവ് ശ്രീ വിഷ്ണുമായ സ്വാമി ശരണം
